Herramientas Personales

Cambiar a contenido. | Saltar a navegación

Navegación

Navegación
Menu de navigation
Usted está aquí: Inicio / Pueblos / Toponimia
Acciones de Documento

Toponimia del valle

Turon-con marco.jpgCon este completo estudio toponímico del valle, amablemente cedido por La Academia de la Llingua Asturiana, ponemos a disposición de todos un valiosísimo documento de referencia. Para los estudiosos de los pueblos turoneses será una verdadera mina de informaciones y para los demás la evocación  de un sinfín de lugares y rincones cargados de recuerdos.  Nuestras gracias al Coleutivu l'Armá por esta labor, verdadera muestra de cariño al valle y a la llingua asturiana. Esta primera publicación recopila los datos de las parroquias de Santa Bárbara, San Martín y El carmen. En breve entrará la información de Santa María de Urbiés. 

 
 






 
 
Conceyu de Mieres
 
VALLE DE TURÓN
(Parroquies de Santa Bárbara, Samartín y El Carmen)
 
Coleutivu l'Armá
Formen el Coleutivu l'Armá: Eugenio Barrio González. José Ramón Cagide Zapico, Gausón Fernande Gutierre y Xandru
Fernández González, toos ellos nacíos y criaos nel valle.
 
Turón: El topónimu Turón nun designa, na actualidá, denguna realidá inequívoca. Llámase asina al valle allugáu na fastera suroriental del Conceyu de Mieres, llendando con Llangréu, Samartín del Rei Aurelio, Llaviana y Ayer. Turón ye tamién el nome del ríu que conforma'l valle y, en xeneral, los principales núcleos de población asitiaos nes sos márxenes, sobremanera'l núcleu urbanu que comprende La Veguina y los sos alredores.
 
Comu parroquia, Samartín de Turón inxería tol valle a partir d'una llinia imaxinaria trazada cerca del pueblu de Cauxal. Comu "San Martino de Turón" apaez conseñada nel Libro Becerro (1385), onde tamién se da cuenta d'una "Santa de Turón" identificada con Santa María de Penuli, güei Figareo.
 
Samartín de Turón abarcaba hasta l'altu La Col.ladiel.la, na llende col Conceyu de Samartín del Rei Aurelio y funcionaba comu una unidá social na que s'interrellacionaben toles poblaciones del valle, anque a efeutos relixosos se creare la filial de Santa María d'Urbiés que s'esgayaría dafechu de Samartín n'ochobre de 1885. Dende entós, y hasta la segunda metá del sieglu XX esisten dos parroquies: Turón y Urbiés que, magar caltienen los llazos de contigüidá ya intercomunicación tradicionales, van dixebrándose pasu ente pasu a midida que'l conceutu de parroquia comu unidá social entra en crisis y la industrialización - coles sos secueles d'urbanización, inmigración (comu focu d'atraición) y en definitiva tresformación del hábitat tradicional- va perfaciendo de mou distintu la evolución de caúna d'elles.
 
En 1961, otra vuelta por custiones eclesiástiques, Samartín de Turón despréndese de dos grandes fasteres de collación que darán llugar a les parroquies de Santa Bárbara (La Cuadriella) y El Carmen (Santandrés). El territoriu que carauterizaba a Turón comu parroquia hasta 1885 dásenos güei, entós, dixebráu en cuatru fasteres, anque aporfiamos nel fechu de qu'esta separtadura obedez siempre a factores eclesiásticos, especialmente no que cinca a la partición de 1961. La xente qu'ellí vive, mesmo nel valle que nos pueblos más altos, considera Turón comu una unidá, física y social.