{"provider_url": "https://www.elvalledeturon.net", "title": "Alcuentros con autores La casa gris, de Ignaciu Llope.", "html": "Alcuentros con autores La casa gris, de Ignaciu Llope.
La borrina del Atl\u00e1nticu llambe les paredes y les p\u00e1xines de La casa gris. Asuntos como'l cuadonguismu, la estroza del paisaxe tradicional, la identid\u00e1, la memoria… trescalen los art\u00edculos period\u00edsticos axuntaos nesti volume. La poes\u00eda, la precisi\u00f3n y la pasi\u00f3n nel an\u00e1lisis en cada tema trat\u00e1u –la fiesta, la soled\u00e1, el chigre, la m\u00fasica, la dictadura, l'arquitectura rural, el progresu, la frontera…– faen de la llectura de cada art\u00edculu un exerciciu intensu abiertu al debate y a la reflex\u00f3n. Y, siempre, la ra\u00edz n'Asturies, nel paisaxe de la infancia, con una mirada del autor un aquel se\u00f1aldosa, lo qu'\u00e9l llama «sentimentalid\u00e1 celta», quiciabes «se\u00f1ald\u00e1 por un norte qu'enxam\u00e1s ye'l norte propiu».
Lugar: Ateneo de Tur\u00f3n
Viernes 18, a las 19:00 h.
<Ver programaci\u00f3n Ateneo> ", "author_name": "", "version": "1.0", "author_url": "https://www.elvalledeturon.net/author/juliogago", "provider_name": "El valle de Turon", "type": "rich"}