{"provider_url": "https://www.elvalledeturon.net", "title": "Poetisa y traductora", "html": "

\"LaNacida en 1961 na G\u00fceria d’Urbi\u00e9s y llicenciada en Filolox\u00eda Hisp\u00e1nica pola Universid\u00e1 d’Uvi\u00e9u,

 
anici\u00f3se Lourdes \u00c1lvarez Garc\u00eda na lliteratura en revistes como Cu\u00e9lebre Literario, Malku, Adr\u00e9i o Lletres asturianes. Ta incluy\u00eda en toles antolox\u00edes po\u00e9tiques d’estos \u00faltimos a\u00f1os: Xos\u00e9 Bolado, Antolox\u00eda po\u00e9tica del Resurdimientu; Ricardo Labra, Muestra corregida y aumentada de la poes\u00eda en Asturias; Jos\u00e9 \u00c1ngel Cilleruelo, N\u00f3rdica; y Leopoldo S\u00e1nchez Torre, Les muyeres y los d\u00edes de la poes\u00eda asturiana contempor\u00e1nea.
 


AUTORA

 
Ye autora Lourdes \u00c1lvarez de cuatro llibros de poes\u00eda. Aldabes del olvidu (l991), C\u00e1lices de la nueche (1992), Mares d’a\u00f1il (Ganador ex aequo del Premiu de Poes\u00eda Teodoro Cuesta 1992) y Poes\u00eda escoyida. 1985-1997 (1997). Ye Lourdes \u00c1lvarez una poeta de voz singular; al pesar d’empezar a estampar dellos de los sos primeros poemes na revista Adr\u00e9i, xunta Berta Pi\u00f1an, Xuan Bello, Ant\u00f3n Garc\u00eda y otros autores del grupu po\u00e9ticu que lleva’l nome d’esa publicaci\u00f3n, la escritora d'Urbi\u00e9s tien poco en com\u00fan cola obra d’esos poetes. Si estos apuesten por una po\u00e9tica realista, entroncada coles corrientes que nel restu del est\u00e1u se van a conocer colos alcu\u00f1os de poes\u00eda de la esperiencia o poes\u00eda figurativa, Lourdes \u00c1lvarez, partiendo d’una evocaci\u00f3n de la realid\u00e1 y la esperiencia viv\u00edes, va dir decant\u00e1ndose por una po\u00e9tica de calter simbolista, rica n’im\u00e1xenes abstractes y surreales y d’una fechura m\u00e1s complexa que la de los poetes del grupu Adr\u00e9i. D’avezu na so obra hai una relaci\u00f3n d’una subxetivid\u00e1 casi \u00edntima ente llinguaxe y emoci\u00f3n est\u00e9tica; l’idioma nos sos versos forma parte inseparable de la esperiencia evocada pol personaxe po\u00e9ticu. Una esperiencia qu’alcuando algama calter on\u00edricu. Na po\u00e9tica qu’escribe n’antolox\u00eda de Leopoldo S\u00e1nchez Torre Les muyeres y los d\u00edes, afirma esta autora: “la poes\u00eda (ye), en mio entender, la configuraci\u00f3n d’un mundu que por m\u00e1s que se separte de la realid\u00e1, intervi\u00e9n nel so orde, texe pente los espacios ermos d’elli el cambeu de la so naturaleza racional pola on\u00edrica y vuelve a codificar el nuevu orde mediante’l poder m\u00e1xicu de les pallabres”.
\"LURDES

TRADUCTORA

Como traductora, ye autora de la versi\u00f3n al asturiano de la narraci\u00f3n infantil Otto ye un rinoceronte, d’O.L. Kirkegaard y del llibru de relatos Un sudaca na corte, de Daniel Moyano.
 


 

", "author_name": "", "version": "1.0", "author_url": "https://www.elvalledeturon.net/author/jorgevarela", "provider_name": "El valle de Turon", "type": "rich"}