{"provider_url": "https://www.elvalledeturon.net", "title": "Sue\u00f1o en color y n'asturianu", "html": "<h2><img src=\"https://www.elvalledeturon.net/cultura/literatura/lourdes-alvarez/alvlourd1-1.jpg/image\" title=\"Alvlourd[1]-1.jpg\" height=\"224\" width=\"150\" alt=\"Alvlourd[1]-1.jpg\" class=\"image-left\" />&iquest;La G\u00fceria como cuna de tu asturianismo?</h2><p style=\"text-align: justify;\"><br />La G\u00fceria ye la matria, onde nacieron y vivieron mio g\u00fcela materna y mio madre, para\u00edsu qu&rsquo;anueva&rsquo;l coraz\u00f3n cada vez que vuelvo a la casa familiar, la de los padres, onde nac\u00ed y m&rsquo;aprendieron les primeres palabres y les se\u00f1ales del mundu, n&rsquo;asturianu, claro.<br />&nbsp;</p><h2>&iquest;Sue\u00f1as en asturiano?<br />&nbsp;</h2><p style=\"text-align: justify;\">S\u00ed, se que sue\u00f1o en color y n&rsquo;asturianu.<br />&nbsp;</p><h2>&iquest;Est\u00e1 necesitada nuestra sociedad de una poco de poes\u00eda?<br />&nbsp;</h2><p style=\"text-align: justify;\">Entiendo la poes\u00eda como cam\u00edn de reflex\u00f3n, espiritualid\u00e1, conocimientu y m\u00fasica. La socied\u00e1 puede vivir al marxe d&rsquo;estos conceptos y actit\u00faes,; pienso qu'en xeneral asina lo ta faciendo, pero tambi\u00e9n que la deshumanizaci\u00f3n y la perda de valores ta afectando globalmente a la humanid\u00e1.<br /> A la hora de elegir, &iquest;prosa o poes\u00eda? Poes\u00eda, masque tami\u00e9n me preste la narrativa como llectora.<img src=\"https://www.elvalledeturon.net/cultura/literatura/lourdes-alvarez/la-hueria-caserio-1.jpg/image_preview\" title=\"La Hueria caserio-1.JPG\" height=\"300\" width=\"400\" alt=\"La Hueria caserio-1.JPG\" class=\"image-right\" /><br />&nbsp;</p><h2>&iquest;Abre fronteras el escribir en asturiano o tiende caminos?<br />&nbsp;</h2><p style=\"text-align: justify;\">Cualesquier idioma abre fronteras  y tiende caminos, nel casu del asturianu, ensin la reconocencia de llingua propia d&rsquo;Asturies, ye decir, ensin la oficialid\u00e1, la lliteratura ta faci\u00e9ndola visible acull\u00e1 de Payares y del Est\u00e1u Espa\u00f1ol.<br />&nbsp;</p><h2>&iquest;C\u00f3mo se lee la poes\u00eda?<br />&nbsp;</h2><p style=\"text-align: justify;\">Con entrega y m\u00e1ximu esfuerzu de concentraci\u00f3n pa interiorizar la llectura.<br />&nbsp;</p><h2><img src=\"https://www.elvalledeturon.net/cultura/literatura/lourdes-alvarez/la-hueria-tejados-1-1.jpg/image_large\" title=\"La Hueria tejados 1-1.JPG\" height=\"480\" width=\"640\" alt=\"La Hueria tejados 1-1.JPG\" class=\"image-left\" />&iquest;Qu\u00e9 significa Tur\u00f3n para ti?</h2><p style=\"text-align: justify;\">&nbsp;</p><p style=\"text-align: justify;\">Un \u00e1ngulo agudo fechu de lluces con el v\u00e9rtice na profundid\u00e1 de campu de la visi\u00f3n d&rsquo;una nena de 4 o 5 a\u00f1os que toles nueches escucaba dende la ventana de&rsquo;n ca so g\u00fcela. Ye tami\u00e9n l&rsquo;adolescencia, l&rsquo;institutu, les amistaes fondes que perduren magar el tiempu pase. Les primeres iniciatives culturales na Casa La Xuv\u00e9ntu, revistes lliteraries, teatru, cineforum, debates interminables que moderaba paciente Reyes Amor &hellip;.. <br />Ye tami\u00e9n la mina, el sentimientu  de pertenencia a un valle estrechu  qu&rsquo;entreg\u00f3 vida, silicosis, sangre y progresu na escura y perllarga galer\u00eda del franquismu. <br /> <br />&nbsp;</p><p style=\"text-align: justify;\"><em><strong>Entrevista realizada por Jorge Varela para elvalledeturon.net, el 1&ordm; de septiembre de 2010</strong></em></p>", "author_name": "", "version": "1.0", "author_url": "https://www.elvalledeturon.net/author/jorgevarela", "provider_name": "El valle de Turon", "type": "rich"}