{"provider_url": "https://www.elvalledeturon.net", "title": "El Cuquiellu", "html": "

\"cuquiellu1.jpg\"El cuquiellu ye un paxiaru m\u00edticu n´Asturies. En su alreedor entam\u00e1ronse un mont\u00f3n de cuentos, hestories y refranes, que nun hay cuenta acabalos. Si dispu\u00e9s de leer estes l\u00ednies, apet\u00e9zsete escuchalu, voy descubrite un sitiu desd´el que pues facelo y quedar satisfechu del d\u00eda que pasaste. Acons\u00e9jote que lo fagas un d\u00eda de primavera de los de verd\u00e1, un d\u00eda d´esos que ta espejau y tien muncha clarid\u00e1, por si tienes suerte y pues contemplalu. El llugar id\u00f3neu ye la “Campa les Abeyes”.

Llegar hasta aqu\u00ed ye muy f\u00e1cil, nun tienes m\u00e1s que tomar la carretera de Figaredo a Urbi\u00e9s que atraviesa el Valle de Tur\u00f3n, y una vez aqu\u00ed siguir en direci\u00f3n a Cia\u00f1u, 6 kil\u00f3metros per enriba d´Urbies y dexia´l coche en el Altu la Falla tras andar 21 Kil\u00f3metros desde Figaredo. Ta to indicao, nun hay p\u00e9rdida. Una vez que te apees del coche tienes que dir caminando per una pista llana de 2 kil\u00f3metros y al final de ella descubres all\u00ed la Campa les Abeyes. Cont\u00e9mplase desde ella el valle de San Justo - Armiello y y´el terreno abonau p´al cuquiellu, pues ye n´onde ta mas agusto la mayor part´el d\u00eda. Si nun lu escuches desde la campera, tes que dir baxiando hasta el puebl\u00edn de San Justo. Nun te preocupe pues s\u00f3lo hay kil\u00f3metro y mediu y de pasu bebes agua na Fuente “la pre\u00f1\u00e1” o na de San Xusto y recreeste contemplando esti pueblu, exemplu t\u00edpicu de lo que ye una aldea asturiana de va un mont\u00f3n de a\u00f1os.

Ye un paxiaru muy cuco, dizlo to el nome. Si\u00e9nteslu cantar pel monte, col su sonoru “Cu-Cu”, y qu\u00e9deste aleleau escuch\u00e1ndolu y per m\u00e1s que t´esfuerces en querer velu, faisete emposible, pues contr\u00f3late, calla, y nun dexa que lu vean. Como narices va dexar que lu vean si ye un delincuente continuamente met\u00edu n´el mundu del pillaje. Tira los \"NIAL.jpg\"g\u00fcevos de los dem\u00e1s paxarinos y cuando atopa un nial, ya ta entam\u00e1, ponse a cantar con tal algarab\u00eda que da la impresi\u00f3n que i toc\u00f3 la loter\u00eda. Pa poder contemplar esti actu de pillaje tienes que madrugar, pues el failo per la ma\u00f1ana, cuando ta amaneciendo y el due\u00f1u´l nidu sal per primera vez n´el d\u00eda.

Pero nun ye s\u00f3lo que yos tire los g\u00fcevinos, ye que enriba, el muy vagu, pon all\u00ed los suyos pa que i los crien y saquen arriba los dem\u00e1s, por eso se diz que nunca anida. Del que m\u00e1s abusa ye del rait\u00e1n. La raitanina nun se entera que i cambiaron los g\u00fcevos y que los que est\u00e1 empollando son de otru. Prubina cuando vea nacer los polluelos y vea que i sal alg\u00fan prietu, ¡vaya desilusi\u00f3n!. Y pa m\u00e1s el polluelu del Cucu, ye mayor que los dem\u00e1s y pa asegurase la comida que trai la raitanina, tira a los sos fillinos del nial. Y pa m\u00e1s entob\u00eda como ye tan grande el polluelu del \"rait\u00e1n-pitirrojo.jpg\"Cuquiellu, la pobre raitanina termina arrebent\u00e1 de tanto acarriar tanta comida como i pide. La naturaleza dotolu de les armes necesaries pa dedicase al pillaje, pues les plumes grises acenizaes, faenlu poco visible entre les rames de los \u00e1boles y permitei que la raitanina ande conf\u00eda, pues nun ye capaz de velu.

Ye un paxiaru de pasu, apaezse per aqu\u00ed en cuanto escomencipia la primavera, y cuando \u00e9sta quier dexanos, va col cuento a otra parte. Fuera esta \u00e9poca nun pues escuchalu, aunque s\u00ed pues date a confusi\u00f3n, pues hay unu, el paxairu l´agua, que ta aqu\u00ed tol a\u00f1u y tien un cantar paeciu al suyu. Por lo que se refier a su llegada dizse:

El cuco, el ruco y el palpayar, el d\u00eda de Santa Ana pasaron la mar, o como dicen en otres partes Na primavera tres bichos pasen la mar: la rola, el cuco y el parpayal.

Pero si pasan los diis y nun se lu oye anunciar su visita, dizse entonces que tien problemas. Por eso el dicho reza:

Si entre el cinco y el diez de Abril, nun he vuelto, ye que me hallo enfermu, me he muerto o, al Rey estoy sirviendo. En otres partes dicenlo paec\u00edo Entre Marzo y Abril qued\u00f3´l cuco de venir; si en Abril no ha venido, o se ha muerto o se ha perdido.

Ye esperau por quer\u00edu y si no bien t\u00e9mese lo peor pues creese que Entre Marzo y Abril el cuquiellu ha de venir, si non bien, algo grave va a ocurrir. Ta claro que cuando m\u00e1s seguro ye que paezca, ye en el mes de Abril pues en Abril sal el cuco del cubil.

\"CordalesNunca falta cuando llega la nev\u00e1 el cuquiellu. Esta ye la \u00faltima nev\u00e1 del a\u00f1u, y nun falla, baxia la nieve hasta onde baxi\u00f3 cantando el cuquiellu. Si \u00e9l nun baxia hasta el Valle, la nieve qu\u00e9dase nos montes. Diz d´ello el refr\u00e1n:

Cuquiellu marciellu, trae la \u00f1eve tras el capiellu. Y ligao con ello dizse tami\u00e9n Si el cuqiellu canta antes d´Abril, ta´l iviernu por venir.

Ta tan relacionau col tiempu que se comenta:

Si el cuquiellu vien per la sierra, fame na tierra.

La explicaci\u00f3n ye clara, si bien per riba ye que ta buen tiempu y entrevese un a\u00f1u de sequia duru, pero si entra per baxio, ye que el tiempu ta malu y va a llover y \u00f1evar, con lo bueno que ye esto p´al campo na primavera.

Dizse tami\u00e9n que cuando llega, cuando lu sientes cantar por primera vez n´el a\u00f1u, ye muy importante traer perres contigo y tocales, pues si lu sientes y nun les traes y toques, vas tar esperrau tol a\u00f1u, en sin una perra. Por eso Lolo el de San Justo, anque vaya a tresnar el ganao o a facer cualquier otra llabor, lleva perres con \u00e9l anque nun i valgan pa na.

Pero nun pierdas cuidao, n´una zona del Valle de Tur\u00f3n, na Casillina, paez que tien utru comportamientu, por que hay una hestoria del llugar que diz: Cuando cante el cuquiellu, y´el tiempu de plantar les fabes. Da impresi\u00f3n de que aqu\u00ed bien tard\u00edu, porque les fabes pl\u00e1ntense en mayo. Ensina mesmo pa Porceyo en Xix\u00f3n dicen: ¿Canta´l cuquiellu? Agua pa´l maiz, porque dicen que cuando apaez el cuquiellu y canta ye el tiempu de semar el maiz.

Por lo que se refier a su marcha dizse d´el que : Per San Juan, marcha el cuquiellu y bien el tab\u00e1n. Claro por esta \u00e9poca ya nun hay g\u00fcevos que sisar y tien que dir a buscar encautos a otros llugares. El refr\u00e1n fainos referencia a que \"BODA.jpg\"en \u00e9sta \u00e9poca ya comienza´l calor y el pu\u00f1eteru tab\u00e1n empieza a facer de les suyes.

Ta ligau tami\u00e9n a les mozes casaeres, pues dallos una pista, de cuando puen casase. Echar la cuenta pa sabelo ye muy f\u00e1cil, faise contando del siguiente modu: Cuando una moza casaera lu siente cantar, al primer Cu-Cu que suelta ella diz Cuquiell\u00edn del rey; al segundu Cu-Cu diz paliqu\u00edn d´escoba; al terceru cuantos a\u00f1os falten y al cuartu diz pa la mi boda. Desd´esti entonces cada Cu-Cu que esplaye, ye un a\u00f1u que i falta pa casase. Probe mozina si el cuquillu tan cantar\u00edn el d\u00eda que escoye pa saber cuando va a casase.

Tambi\u00e9n se relaciona con los mozos que nun asienten cabeza y son uno pendencieros y dizse d´ellos que : Ye del parecer del cucu, paxaru que nunca anida, pon el g\u00fcevu´n nido axenu y otru poaxiaru lu cria.

Otros im\u00edtenlu pa decir que ca \u00fan fai lo que i da la gana con el dicho:

Cu – Cu
Tapa el Cu
T\u00e1palu t\u00fa

Ye tan conoc\u00edu que hasta lu confundieron col fantasma. Un d\u00eda d´estos de la Selmana Santa, n´aquellos tiempos en que se apaec\u00eda el fantasma, diben pa la mina Pin y Xuan. Diben charrando tan agusto, cuando al pasar al lau una cerezal grandona, sintieron un ruiu muy raru y nun devinieron en pensar mas que yera el fantasma. Escomencipiaron a correr como llocos, tal que paec\u00eden esguiles asustaes. Pero pa disgracia d´ellos, ven\u00eda ven\u00eda a cuatro pasos Pepe el Feu y vi\u00f3 como sal\u00eda el Cuquiellu d´entre les rames. Nun sab\u00e9is bien la murga que se entam\u00f3 na mina esi d\u00eda, quedaran arreglaos Xuan y Pin, que endesde entonces amot\u00e1ronlos “ los fantasmas de la cerezal”.

Tami\u00e9n ta concebiu como agorero y mortal, pues dizse:

Si el cuquiellu y la coruxa
Xiblen ena to quintana
Pierdes de xintar la gana
Y acab\u00f3sete la xuxa

Hay un cantar muy popular y d´esos que presta entonar nes sidrer\u00edes o en los montes d´Asturies que nos fala algo d´el, al ligalu con los sos parientes i amigos. Diz as\u00ed la tona:

Baxando un d\u00eda pe l´aldea
Sent\u00ed un paxar\u00edn cantar
Detr\u00e1s de casa Pericu
N´el picu la cerezal

Que paxar\u00edn ser\u00e1 esi
Que canta en la cerezal
Que tien el picu amariellu
Esi que i llamen Cuquiellu
Y que siempre canta igual

Un poquit\u00edn mas abaxo
Sent\u00ed cantar el pinz\u00f3n
Al veran\u00edn y al xilgueru
Y asi que i llamen gorri\u00f3n
Que anda per baxo les teyes
Ye compa\u00f1eru del rat\u00f3n

Rosa n´onde ta Pericu
Ta detr\u00e1s del payar
Cabru\u00f1ando el guada\u00f1u
Pa ma\u00f1ana dir segar

Trabay to el verano
P´al invernu descansar
Y comer les fari\u00f1es
Sentau detr\u00e1s del llar.

\"SANPero nun va a ser malo to lo del cuquiellu, ye muy buenu pa la g\u00fcerta y los \u00e1rboles de nuestros bosques de fayes, casta\u00f1os y robles, pues por suerte, come les larves la procesionaria, esa carrera de cien pies que esfarrapen to l´arbol que topen nel cam\u00edn y con la que otros paxiaros nun se atreven, pues los pelucos que la rodeen fai que se yos atragante n´el garguilu, pero a \u00e9l, como si na, como si toviera tomando agua. Adem\u00e1s como ye un glot\u00f3n, come los insectos de dos en dos, manteniendo l´aire limpiu de to estos bichos.

Nun yes honrau si nun faes honor a aquelles persones que te dan l´informaci\u00f3n pa poder contar estes coses. Nesti casu la verdadera art\u00edfice d´estes hestories del Cuquiellu, ye Generosa la de Lolo el de San Justo, l´unica vecina que vive all\u00ed y que ye un libru abiertu.

¡ Animo Generosa tenemos que siguir contando cosiquines ¡

 Marcelino Escudero Garc\u00eda

", "author_name": "", "version": "1.0", "author_url": "https://www.elvalledeturon.net/author/jorgevarela", "provider_name": "El valle de Turon", "type": "rich"}