{"provider_url": "https://www.elvalledeturon.net", "title": "Toponimia del valle", "html": "![\"Turon-con](\"https://www.elvalledeturon.net/pueblos/toponimia/turon-con-marco.jpg/image\" "\\"Turon-con")
Con este completo estudio topon\u00edmico del valle, amablemente cedido por La Academia de la Llingua Asturiana, ponemos a disposici\u00f3n de todos un valios\u00edsimo documento de referencia. Para los estudiosos de los pueblos turoneses ser\u00e1 una verdadera mina de informaciones y para los dem\u00e1s la evocaci\u00f3n de un sinf\u00edn de lugares y rincones cargados de recuerdos. Nuestras gracias al Coleutivu l'Arm\u00e1 por esta labor, verdadera muestra de cari\u00f1o al valle y a la llingua asturiana. Esta primera publicaci\u00f3n recopila los datos de las parroquias de Santa B\u00e1rbara, San Mart\u00edn y El carmen. En breve entrar\u00e1 la informaci\u00f3n de Santa Mar\u00eda de Urbi\u00e9s.
Conceyu de Mieres
VALLE DE TUR\u00d3N
(Parroquies de Santa B\u00e1rbara, Samart\u00edn y El Carmen)
Coleutivu l'Arm\u00e1
Formen el Coleutivu l'Arm\u00e1: Eugenio Barrio Gonz\u00e1lez. Jos\u00e9 Ram\u00f3n Cagide Zapico, Gaus\u00f3n Fernande Gutierre y Xandru
Fern\u00e1ndez Gonz\u00e1lez, toos ellos nac\u00edos y criaos nel valle.
Tur\u00f3n: El top\u00f3nimu Tur\u00f3n nun designa, na actualid\u00e1, denguna realid\u00e1 inequ\u00edvoca. Ll\u00e1mase asina al valle allug\u00e1u na fastera suroriental del Conceyu de Mieres, llendando con Llangr\u00e9u, Samart\u00edn del Rei Aurelio, Llaviana y Ayer. Tur\u00f3n ye tami\u00e9n el nome del r\u00edu que conforma'l valle y, en xeneral, los principales n\u00facleos de poblaci\u00f3n asitiaos nes sos m\u00e1rxenes, sobremanera'l n\u00facleu urbanu que comprende La Veguina y los sos alredores.
Comu parroquia, Samart\u00edn de Tur\u00f3n inxer\u00eda tol valle a partir d'una llinia imaxinaria trazada cerca del pueblu de Cauxal. Comu "San Martino de Tur\u00f3n" apaez conse\u00f1ada nel Libro Becerro (1385), onde tami\u00e9n se da cuenta d'una "Santa de Tur\u00f3n" identificada con Santa Mar\u00eda de Penuli, g\u00fcei Figareo.
Samart\u00edn de Tur\u00f3n abarcaba hasta l'altu La Col.ladiel.la, na llende col Conceyu de Samart\u00edn del Rei Aurelio y funcionaba comu una unid\u00e1 social na que s'interrellacionaben toles poblaciones del valle, anque a efeutos relixosos se creare la filial de Santa Mar\u00eda d'Urbi\u00e9s que s'esgayar\u00eda dafechu de Samart\u00edn n'ochobre de 1885. Dende ent\u00f3s, y hasta la segunda met\u00e1 del sieglu XX esisten dos parroquies: Tur\u00f3n y Urbi\u00e9s que, magar caltienen los llazos de contig\u00fcid\u00e1 ya intercomunicaci\u00f3n tradicionales, van dixebr\u00e1ndose pasu ente pasu a midida que'l conceutu de parroquia comu unid\u00e1 social entra en crisis y la industrializaci\u00f3n - coles sos secueles d'urbanizaci\u00f3n, inmigraci\u00f3n (comu focu d'atraici\u00f3n) y en definitiva tresformaci\u00f3n del h\u00e1bitat tradicional- va perfaciendo de mou distintu la evoluci\u00f3n de ca\u00fana d'elles.
En 1961, otra vuelta por custiones eclesi\u00e1stiques, Samart\u00edn de Tur\u00f3n despr\u00e9ndese de dos grandes fasteres de collaci\u00f3n que dar\u00e1n llugar a les parroquies de Santa B\u00e1rbara (La Cuadriella) y El Carmen (Santandr\u00e9s). El territoriu que carauterizaba a Tur\u00f3n comu parroquia hasta 1885 d\u00e1senos g\u00fcei, ent\u00f3s, dixebr\u00e1u en cuatru fasteres, anque aporfiamos nel fechu de qu'esta separtadura obedez siempre a factores eclesi\u00e1sticos, especialmente no que cinca a la partici\u00f3n de 1961. La xente qu'ell\u00ed vive, mesmo nel valle que nos pueblos m\u00e1s altos, considera Tur\u00f3n comu una unid\u00e1, f\u00edsica y social.
", "author_name": "", "version": "1.0", "author_url": "https://www.elvalledeturon.net/author/jorgevarela", "provider_name": "El valle de Turon", "type": "rich"}